මම ඇයට මගේ හිතේ තියෙන දේ කවදාවත් කිව්වේ නෑ...

මමයි එයයි එකම පන්තියේ ඉගෙන ගත්තේ. ඇය හරිම නිහඬ කෙල්ලෙක්. මම ඇයට ගොඩක් ආදරේ කලා ඒත් කවදාවත්ම මගේ හිතේ තියෙන දේ කියන්න බය වුනා. ප්‍රතික්ෂේප වෙයි කියලා හිතලා මම හැමදාම මගේ ආදරේ හිත යටම හංගාගෙන හිටියා. පාසල් කාලය ඉවර වෙලා අපි දෙන්නා වෙන වෙනම විශ්වවිද්‍යාල වලට ගියා. ඒ කාලෙත් මට ඇයව මතක් නොවුණු දවසක් තිබුණේ නෑ. ඒත් මට කතා කරන්න තරම් ධෛර්යයක් තිබුණේ නැහැ. දැන් ඇය වෙනත් කෙනෙක් එක්ක සතුටින් විවාහ වෙලා දරුවෙකුත් ඉන්නවා. මම ඇයට සුභ පතනවා, ඒත් ජීවිතේ පසුතැවෙන හැම වෙලාවකම මට හිතෙන්නේ එදා මගේ හිතේ තිබුණු දේ වචන කිහිපයකින් ඇයට කිව්වා නම් අද අපේ කතාව මීට වඩා වෙනස් වෙන්න තිබුණා කියලා. යාලුවනේ, ඔයාලා කාටහරි ඇත්තටම ආදරය කරනවා නම්, කවදාවත් ඒක හිතේ තියාගෙන ඉන්න එපා. ප්‍රතික්ෂේප වීමක් වුණත් පසුතැවීමකට වඩා දහස් වාරයක් හොඳයි.