පේරාදෙණිය සරසවි බිමේ සරසවි පෙම සහ ජීවිතයේ පාඩම්

පේරාදෙණිය සරසවියේ අක්බාර් පාලම උඩින් හමාගෙන ආපු මද පවන, හන්තාන කඳු මුදුනට වැටුණු මීදුම අතරේ පටන් ගත්ත අපේ ආදර කතාවට දැන් අවුරුදු 8ක්. විශ්වවිද්‍යාල කාලයේ අපි දෙන්නට ලොකු සල්ලි තිබුණේ නෑ. ඒත් සරසවි ආපන ශාලාවෙන් එක බත් පිඟාන බෙදාගෙන කාපු දවස්, ලෙක්චර්ස් ඉවර වෙලා අත්වැල් බැඳගෙන මහවැලි නදිය අයිනෙන් ඇවිදපු හැන්දෑවන් ජීවිතයේ කවදාවත්ම අමතක වෙන්නේ නෑ. අද අපි දෙන්නම කොළඹ ආයතන දෙකක ඉහළ තනතුරු වල වැඩ කරනවා. ඒත් තාමත් නිවාඩු දවසකට පේරාදෙණියට ගිහින් ඒ පාරවල් වල ඇවිදින එක අපේ ලොකුම සතුටක්.